(食) 海底撈 (深圳一日遊) (下)

2014.3.1

終於黎到是日重點喇!!!!!

海底撈, 都係第一次去!!

點解會去呢度, 因為佢地話服務好好, d野又好食, 唔係太貴

不過唔係任食既, 但就係24小時營業, 即係由朝到晚都可以打邊爐@@

好彩honey book 左6點, 冇得再遲!

差唔多6點海底撈已經打黎吹, 我地話黎緊

架lift一開門, 已經有幾個職員問你幾多位

超有禮貌, 超好服務!

由於我地去到要等一等, 所以帶左我地去等候區

有野飲, 有零食, 又可以摺紙鶴, 每摺一隻可以當rmb0.5用架!

不過我地準備摺個時就已經有位, 諗住減幾蚊都好麻哈哈XD

一坐低, 店員會派每位長髮女士一條橡皮圈, 有電話既就會比一個保護膠套你入住

仲有, 如果你帶眼鏡既, 佢會派眼鏡布比你清潔

仲有仲有, 每人都會派條圍裙比你, 又會幫手斟飲品

而且店員每格一陣就會幫你加飲品, 執走枱上d碟, 加湯, 基本上係你唔需要叫佢地都會自己黎幫你做晒以上既野, 服務係唔係好到不得了呢!!!!

除左以上服務好到不得了之外, 佢地係用i pad落oreder的, 又先進又方便!!

點完野食大約10-15分鐘就會送到

看看看, 調味料超多的!!!!!梗有一樣岩你!!!
上面既就係d小食同埋水果, 食住d小食頂一頂肚餓先

我們叫了鴛鴦湯底, 睇下超紅個邊就係麻辣, 由於我唔係好食得辣, 所以我係岩岩開始個時試過

WOW, 果然堅呀!!!!真係好麻辣!!!! 仲要係麻好耐好耐!!!!

點解佢地咁勁可以由頭食到尾呢?!?!不過食到一定覺得好正!

另一邊就咁有D菇, 有D瓜咁既清湯底, 唔錯丫, 我都係食呢邊得架喇哈哈

其實我地叫左都OK多野食, 不過我冇樣樣都影呀, 因為有D唔係放係我呢邊

食物可以選擇半份或一份, 方便人少少可以試多幾樣, 不過其實有d半份都好多!

精品肥牛同埋羊(各一份)

肥牛切得超薄, 放入湯一焯就可以食得, 唔使等好耐, 正!
因為我唔食羊所以唔知係點

唔記得係咩魚, 不過好滑(半份)

羊肚, 我又係唔食既

鵪鶉蛋, 估唔到有得食, 味道一般

午餐肉與黃喉(各半份)

午餐肉太薄了, 如果係厚切一定會超正!!!
黃喉, 第一次食, 幾得意, 熟左會縮水, 食落好脆, 好有口感

豚肉(一份)

肥肥既豚肉好好味

墨魚仔 (半份)
哈哈, 呢個我食唔到呀!

不過佢放得好令

唔知呢個係咩哈哈, 不過麻麻地

滑類組合 (翡翠、鯪魚、鮮貝及蝦滑)

好好味, 食得又睇得!

手功拉麵

呢個真係非叫不可!!!只要rmb7, 就會有服務員即場表演, 佢地好攪鬼, 會飛埋去你塊面度!!!

拉完只有一條的長麵, 放落去湯度, 好快就食得, 有口感, 唔會太林又唔會太硬

又係好睇又好食!!仲要好抵!!!

我地好好彩, 朋友話上次冇呢個表演
今次竟然有得睇中國傳統技藝 - 變臉

真係睇到o晒咀, 望住個客人都可以變到!!!
而我地完全睇唔到點變!!
好快, 超勁!!!!

服務好, 又好味, 又有表演睇, 掛唔知得一定要黎食啦!!!
6個人都係食左rmb668, 一人rmb112, 唔係話特別抵

但係香港呢個價錢就唔會食到咁好服務同埋野食新鮮好味

所以超級推介大家去!

海底撈火鍋 - 羅湖國貿友誼路63號友誼城5-6樓(近金光華廣場)