(食-團購) 王子飯店京川滬廚房@1881

2013.12.7

有日睇yahoo團購發現左有"王子飯店"既TEA SET

上網睇過D人都話王子飯店D野好味!

HONEY都話應該唔錯, 所以即刻買左!

買完先知原來佢得500 SET, 好彩我都買到姐

買完第2日我地就BOOK左2013.12.7 3:30PM

終於等到呢一日喇 :)

我地準時去到, 係門口已經見到好多人都係食緊團購TEA SET

安排左我地坐係出面, 都幾好丫, 可以睇下風景

我地叫左菊花茶, 嘩, 好香WOR!

望到呢個景, 唔錯丫, 有令景食野都開心D

挪威煙三文魚沙律

完全覺得三文魚係厚切, 非常喜歡!!
食落非常可口, 沙律菜新鮮, 加上橄欖同陳醋, 醒胃非常!

招牌王子鴿 (一隻)

好貼心, 已經預先分成兩份, 油香四溢!
不過我地掛住影相同埋仲未食完沙律, 所以開始食個時已經唔熱喇!
但重點係 >>雖然已經唔熱, 但食落依然非常多肉汁, 外皮仍脆, 肉質嫩滑無比!
真係超級好味呀!!!!

睇下, 個點心架黎我都仲未開始食我隻乳鴿T.T

點心架個外形好吸引呀, 好特別!

王子蝦餃公子燒賣

梗係飲茶唔少得既野食!!!

好味呀, 最鍾2食蝦餃 :)

天下第一包 (义燒餐包),  與別不同春卷, 即局酥皮蛋撻, 蘿蔔絲酥餅

天下第一包 (义燒餐包): 包皮鬆軟, 不過冇咩特別

與別不同春卷: 炸的非常溥脆, 而且好多餡, 蘿蔔.椰菜,香菇等, 好好味, 超級推介!

即局酥皮蛋撻: 蛋很嫩滑, 不過我麻麻地酥皮蛋撻

蘿蔔絲酥餅:  用蘿蔔絲好特別, 加上蘿蔔絲放滿整個酥皮內, 口感豐富, 不過個人覺得太膩

團購$198, 仲要免加一, 真係抵呀!

而且米芝蓮級數, 所有食物都好滿意, 好好味!

王子飯店京川滬廚房: 尖沙咀廣東道2A號1881 Heritage 2樓209號舖