獅子會自然教育中心

22.9.2012

獅子會自然教育中心

我印象中好似未黎過!

其實係未小學會去既旅行地點之一?!

完全係小學生風=]

我地好似成2點幾3點先去到

中心既開放時間係：

戶外特色展區: 上午九時三十分至下午五時 

展覽館: 上午九時三十分至下午四時三十分 

停車場: 上午九時三十分至下午四時三十分 

所以如果大家想慢慢行既可以早d去呀

呢度都可以野餐架!

哈哈...我好似成日都掛住野餐tim~

建議自備水和食物,不過中心入面都有一間"聰鳴茶座"供大家休息

但我地冇入去,所以唔知大概有咩食~

唔知應該去邊邊先,所以我地就亂行

由於去到好熱.見到貝殼館就衝左入去睇野同埋涼下冷氣~

不過其實冷氣不大,但唔使暴曬!

原來有咁多唔同種類既貝殼架!!

15分鐘度就可以行完~

另外我地都去左 - 昆蟲館

入面隻大甲蟲好得意哈哈

戶外特色展區比較多~

例如有農作物,美果,園濕地樂園,香港野生動物大搜查等等

有好多唔同品種既水果樹,雖然見唔到有水果係樹上~

另外仲見到有人影婚紗相同埋cosplay相啊!

我想應該是荷花吧~

竟然竟然真係有太陽花!!

真係超級超級開心, 太陽花好似係農作物區附件睇到架

行到5點度,因為真係好熱,所以決定轉去西貢=]

西貢呢個地方真係可以令人好休閒~

仲好岩拍拖既朋友TIM~~

係星期6,日既日子西貢近停車場位置就會有市集仔出現~

咩都有得賣,有d仲係親手整既

仲會見到有好多愛狗人士帶埋佢地d狗狗一齊黎玩

鍾意狗狗既朋友見到一定會好開心

沿住停車場一路行入去會見到海灣會

可以係個度BBQ,格離仲有個沙灘仔,可以去浸下腳~

仲有個水上活動中心....好岩鍾意玩水上活動既朋友~

如果好天的話,西貢係一個睇星星既好選擇!

點去獅子會自然教育中心 & 西貢

獅子會自然教育中心 - 在北港巴士站下車

西貢 - 直接搭到總站就可以了

92號巴士來往鑽石山港鐵站－西貢 

1A專線小巴來往彩虹港鐵站－西貢

P.S. 今日影既相都係電話, IPHONE4 & S2